متنسيش وانت مسافرة .. للشاعر المتألق صلاح منصور

متنسيش وانتِ مسافره
تخدى معكِ جروحك
دموعك .. الامك متنسيش
تخدى حنينك حتى كلامك
همستك ضحكتك حتى رقة ضحكتك
خدى كل حاجه فيا
الذكريات .. الأمنيات بس سيبي
دموع عنيا
وانا بنده عليكِ .. أو في حلم
مسكت ايديك .. طب ساعتها هبكى ايه
هبكى ..دمعه ..ولا ذكرة ولا يمكن ابكى بكرة
اللي شمسه طالعه .. وانتِ مش معايا
واللي قمره ..يزيد آسايا
أصله بيفكرنى بكِ
ونوره لمعة من عنيكِ
بس وانتِ مسافرة
خدى معكِ كل حاجه
اوعي تنسي أي حاجه
أصل ياحبيبتى بصراحه
انك انتِ كل حاجه
صالح منصور